Patellxhane me patate



* 5 patellxhane
* 2 qepe
* 7 thelpinj hudher
* 7-8 speca (ca mund te jene edhe djeges)
* 1 filxhan kafeje vaj ulliri
* 2-3 patate
* 4 domate
* 1 filxhan kafeje uje te nxehte
* kripe

Qeroni patatet dhe pritini ne kuba. Hidhini ne nje tas, shtoni pak kripe dhe shtypini pak dhe keshtu lerini pak per te pritur.
Grini qepet si per gjelle, pastroni hudhrat, grini specat. Hidhini te gjitha ne nje tenxhere, shtoni vaj ulliri dhe skuqini. Shtoni patatet dhe vazhdoni ti skuqni. Qeroni domatet, pritini ne kuba te medhenj. Shperlani patellxhanet dhe pastaj shtojini ne tenxhere. Pasi ti skuqni pak, shtoni uje te nxehte. Pasi te ziejne, ulini zjarrin. Mbyllni kapakun e tenxheres dhe lerini te ziejne derisa te zbuten patatet. (ku te piqen patatet dmth qe edhe patellxhanet jane bere ). Ne fund shtoni kripen. Kur ti servirni, mos i perzin, kujdes mos shtypni patellxhanet.
Ju befte mire.

Patellxhane dhe thjerreza jeshile ( Amerikane )

* 700 gr. patellxhane
* kripe
* 1/2 gote uji thjerreza jeshile
* uje
* 1/2 gote uji vaj ulliri
* 1 qepe e grire
* 4 thelpinj hudher e shtypur
* 2 domate te grira
* 2 speca jeshil te grira
* 2 luge gjelle gjethe menderze te grira
* 1 luge gjelle salce domatesh
* 1 luge caji piper i kuq
* 1/4 gote uji uthull shege ose balsamike

Ndani patellxhanet ne kater copa. Njeres ane te seciles pjese bejini ca viza diagonalisht. Secilen pjese ndajeni ne 3 cope diagonalisht. Te gjitha verini ne nje tepsi dhe hidhini siper kripe. Prisni nje ore ashtu.
Nderkohe, thjerrezat hidhini ne nje tigan te vogel. Siper hidhni uji sa te 5 cm dhe zijini per 15 min.. Kullojani ujin pasi te jene zier.
Ne nje tas perzini qepen, hudhren, domatet, specat, menderzen, salcen, piperin e kuq dhe 2 luge caji kripe. Patellxhanet shperlajini dhe thajini. Ne nje tenxhere hidhni 1 luge vaj ulliri dhe gjysmen e perzierjes se zarzavateve, siper gjysmen e patellxhaneve dhe siper gjysmen e thjerrezave.Pastaj perseri gjysmen e gjysmes se ngelur te zarzavateve dhe keshtu me rradhe deri sa te mbarojne. Vajin e ullirit qe ngelet hidheni siper dhe anash. Ne fund hidhni uthullen.
Ndizni zjarrin dhe lereni te ziej. Pasi te ziej ulni zjarrin, vini kapakun dhe lerini per 1.5 ore, derisa te zbuten patellxhanet. Servirini te nxehta, te vaketa, ose ne temp. dhome.
Ju befte mire.

Qofte Suedeze



* 500 gr mish i grire
* 1 qepe e grire ne mikser
* 1 gote uji gjize pa kripe
* 3 luge gjelle qumesht
* 2 feta buke te ndenjura
* 1.5 luge caji kripe
* piper i zi
* 1 luge gjelle vaj
Per kremin:
* 2 luge gjelle uthull
* 2 luge gjelle miell
* 2 gota uji leng mishi
Per siper:
* majdanoz

Shtypeni mire gjizen me qumesht. Nqs vazhdon te jete e trashe shtoni edhe pak qumesht. Shtoni edhe perberesit e tjere te qofteve dhe perzini mire. Brumin qe formuat ndajeni ne topa, vereni qoftet ne tepsi dhe futini ne frigorifer per 30 min.
Ne nje tigan nxehni vajin. Piqini qoftet duke i rrotulluar nga te gjitha anet per 6 min. Qoftet qe piqen verini ne nje tas me kapak qe te rrine te ngrohta.
Kulloni vajin dhe copezat e qofteve dhe ne te njejtin tigan hidhni uthull dhe ngroheni pothuajse derisa te avulloje, shtoni miellin dhe lengun e mishit. Perzieni per 8-10 min. dhe piqeni derisa te trashet. Kremin kullojeni ne nje kullonjese teli. Qoftet servirini me krem dhe majdanoz.
Po te doni mund ti servirni edhe pa krem.
Ju befte mire.

Makarona furre me salcice



* 1/2 paket makarona
* 4 salcice
* djath kackavall i renduar
* vaj ulliri
* borzilok
* kripe
* rigon
* piper i kuq

Prisni salcicet ne forme te pjerret. Ne nje tenxhere hidhni vaj ulliri dhe salcicet, skuqni per 1-2 min. dhe pastaj shtoni makaronat dhe vazhdoni ti skuqni. Pastaj hidhni piperin e kuq dhe erezat, dhe siper uje te nxehte.Lerini derisa ta pijne gjithe ujin dhe pastaj gjysmen hidheni ne tepsi (qelqi), shtoni djath kackavall, siper hidhni gjysmen tjeter te makaronave dhe perseri siper djath kackavall, pure domatesh dhe
borzilok. Piqini ne furre me 180'C derisa te skuqen nga siper. Shume te shijshme.
Ju befte mire
.

Tart me luleshtrydhe

* 3 gota uji miell
* 150 gr. gjalp
* 1 luge caji sode buke
* 1 gote uji sheqer
* veze
* uje te ftohte
Per kremin:
* 3 gota uji qumesht
* 4 luge gjelle miell
* 1 gote uji sheqer
* 1 paket vanilie
Per siper:
* luleshtrydhe

Ne nje tas hidhni 3 gota miell dhe siper 1 luge caji sode buke dhe 1 gote uji sheqer dhe perzini. Hapni mesin e miellit dhe hidhni 150 gr. gjalp. Siper shtoni 1 veze, si fillim perzini gjalpin dhe vezen, pastaj edhe miellin. Pastaj brumit shtojini pak uje te ftohte dhe perzini mire.
Brumin hidheni ne ne tasat e tartave dhe futeni te ngrirja e frigoriferit per 10 min derisa te forcohet. Pastaj futeni ne furre te ngrohur mr pare dhe piqeni me 170'C.
Per kremin, ne nje tenxhere hidhni 3 gota uji qumesht, mbi te 4 luge gjelle miell, 1 gote uji sheqer, 1 paket vanilie dhe perzijini derisa kremi te trashet. Tartat e pjekura hiqini nga tasat dhe siper tyre hidhni kremin dhe pastaj luleshtrydhet.
Ju befte mire.

Embelsire me kajsi



* 500 gr. kajsi te thata
* 1 gote uji sheqer
* 3 rrenje karafili
* uje
Per mbushje:
* 1.5 filxhan kafeje oriz
* 1.5 filxhan kafeje lajthi e grire pluhur
* 1 karrote
Per siper:
* krem shanti
* fistik pluhur


Kajsite e thata hidhini ne nje tenxhere dhe siper hidhni pak uje te nxehte dhe zijini pak. Pasi te ziejne per 5 min, lerini te ftohen.
Nga ana tjeter zini orizin. Pasi te ziej, hidhini siper karroten e renduar dhe ziejini edhe pak. Fikni zjarrin dhe pastaj hidhni lajthite dhe perzijini.
Me kete mase mbushni kajsite e ziera dhe rreshtojini ne tenxhere. Hidhni siper sheqer dhe karanfil , shtoni edhe pak uje dhe lerini te ziejne. Pasi te kene pire ujin dhe te jene pjekur si llokum, merrini te pjata e servisit dhe lerini te ftohet.Pasi te ftohen hidhini siper krem shanti dhe pluhur fistiku.
Ju befte mire


Shish pule me bullgur

* 1.5 filxhan kafeje bullgur i imet
* 300 gr mish pule
* 1 luge gjelle salce
* 1 qepe
* majdanoz
* kripe
* piper i zi
* piper i kuq
* vaj

Bejeni mishin e pules si mish i grire, grijeni mire ne robotin e kuzhines. Hidhni siper qepen e renduar, bullgurin i cili ka pritur pak ne uje te nxehte, salcen, majdanozin dhe erezat dhe perziejini mire.
Vereni kete mase ne shkopinjte e shishit, rreshtojini ne tepsi dhe futini ne furre me 190'C.
Ju befte mire
.

Veze te ziera me majonez


* 3 veze te ziera
* majonez
* piper i zi

Te verdhat e vezeve perzijini me majonez dhe piper te zi. Pastaj me kete mase mbushni perseri vezet. Mund ti zbukuroni me majdanoz.
Ju befte mire.

Muhalebi - Puding


* 150 gr margarin
* 1 gote uji miell
* 1 luge niseshte
* 1.5 gote uji sheqer
* 1 luge caji vanilie
* 1 liter qumesht
* kanelle

Shkrini margarinen ne nje tenxhere, shtoni miellin dhe niseshten dhe skuqini pak. Shtoni perberesit e tjere dhe perzijini derisa te perftoni nje mase me te trashe. PAstaj hiqeni nga zjarri dhe perzieni me mikser per pak min. Hidheni ne nje tepsi qelqi dhe futeni ne frigorifer. Para servirjes zbukurojeni me kanelle.
Ju befte mire.

Sallate me laker brukseli


* 1/2 kg laker brukseli
* 3 luge gjelle vaj ulliri
* 2-3 luge gjelle leng limoni
* 2 luge gjelle qepe jeshile e grire
* 1 gote uji lajthi
* djath kackavall i renduar
* kripe



Shtypni pak lajthite dhe pastaj skuqini pak. Lakrat rendojini dhe 5 min para servirjes hidhini vaj ulliri, leng limoni, qepe, kripe dhe lajthite. Mos i hidhni shume kripe sepse edhe djath ka kripe.
Shtoni djathin kackavall te renduar dhe perzijini.
Ju befte mire.

Gjelle me thjerreza jeshile


* 3/4 gote uji thjerreza jeshile, te lena ne uje nje nate para
* 1 kokerr qepe
* vaj ulliri
* 2 domate ose 1 luge gjelle salce
* 1-2 karrota
* kripe
* piper


Skuqni qepen e prere si per gjelle, pastaj shtoni salcen dhe karrotat. Pasi ti skuqni te gjitha, shtoni thjerrezat dhe skuqini edhe pak bashke. Pastaj hidhini uje dhe zijini mire per rreth 1 ore, derisa te zbuten. (Mund ti shtoni uje nderkohe).
Ju befte mire

Pilaf me thjerreza jeshile

* 1 filxhan kafeje vaj ulliri
* 2 kokrra qepe te grira si per gjelle
* 1 luge gjelle salce
* 1 gote uji bullgur
* 1 gote uji thjerreza jeshile
* 4-5 domate te thara ose taze
* 3 speca te thare ose taze
* kripe

Lajini thjerrezat dhe zijini derisa te zbuten. Skuqni qepet ne vajin e ullirit, shtoni domatet dhe specat dhe skuqini edhe pak (5 min). Shtoni salcen dhe perzini perseri. Pastaj shtoni bullgurin e lare dhe thjerrezat te kulluara nga uji. Perzini perseri dhe shtoni 2 gota uji te vluara dhe kripen.
Lereni te ziej derisa ta thithe gjithe ujin dhe pastaj mbulojeni me leter buke dhe lereni per 10 minuta. Mund ta shoqeroni me mish.
Ju befte mire.

Patate te mbushura


* 6 patate te ziera
* 1 karrote e zier
* bizele konserve
* majdanoz
* kastraveca turshi
* salcice
* lengu i nje limoni
* vaj ulliri

Per salce:
* kos
* majonez
*kripe


Rendoni patatet e ziera, shtojini leng limoni dhe bejini si brum. Per mbushje, perzini karroten e zier dhe grire, kastravecat turshi te grira dhe salcicet e grira. Siper shtoni bizeler dhe majdanoz te grire holle dhe perzijini.
Per salcen, perzini kosin, majonezen dhe kripen. Pasi te gjitha te jeni gati, ndani nga brumi i patateve copa ne madhesi te arres dhe hapni mesin, mbusheni me masen qe pergatitet dhe siper hidhini nga salca. kete veprim bejeni derisa te mbaroje brumi i patateve. Sipas deshires mund ti lyeni edhe nga perjashta me majdanoz.
Ju befte mire.

Kumpir shtepie

* 4 patate te ziera
* 1 luge gjelle gjalp
* 1/2 gote uji djath kackavall
* 2 salcice
* ullinj te zinj
* ullinj jeshile
* miser dhe bizele konservash
* katraveca turshi
* ketchup
* majonez
* kripe
* piper i zi

Patatet e ziera bejini pure, siper hidhni gjalp, kripe dhe piper te zi dhe perzijini. Pastaj shtoni edhe djath kackavall te renduar. Kete mase hidheni ne tasa qe rezistojne nxehtesise se furres dhe hapini mesin. Nga ana tjeter pergatisni mbushjen me salcice, ullinj te zinj dhe jeshile, miser dhe bizele dhe hidheni te tasat me pure. Siper hidhni djath kackavall te renduar dhe futini ne furr ne 180'C. Piqini derisa te shkrije djathi. Servirini duke i hedhur siper kastraveca turshi, ketchup dhe majonez.
Ju befte mire.

Lulelaker me karrota


* 1 lulelaker
* 2 karrota
* 1 kokerr qepe
* 4 thelpinj hudher
* 1 domate
* vaj ulliri
* kripe
* sheqer

Hidhni vajin ne nje tenxhere dhe shtoni qepen, hudhren, karrotat e prera kub, skuqini derisa te nderroje ngjyra e karrotave. Siper shtoni lulelakren e ndare ne degeza dhe siper lulelakres domatet e prera kub. Shtoni kripen dhe sheqerin ( sheqer duhet te jete 2 here me shume se kripa). Siper hidhini pak uje te nxehte dhe lerini te piqen derisa te zbuten. Pa e hapur kapakun, lereni nje nate dhe servireni te nesermen.
Ju befte mire.

Byrek perimesh


* 3-4 prase
* 1 karrote
* 1 patate
* 4 luge gjelle vaj ulliri
* 4 veze
* 2 luge gjelle miell te mbushura
* majdanoz
* koper
* kripe
* piper i zi

Praset grijini holle dhe perzijini me kripe per pak minuta, hidhini ne nje ene te thelle, shtoni koperin e grire holle. Pasi te shtoni edhe karrotat dhe patatet e renduara, shtoni vezet dhe miellin dhe perzijini mire. Shtoni kripen dhe piperin e zi, pasi te jete bere nje mase homogjene hidheni ne nje tepsi te lyer me vaj dhe futeni ne furre ne 180'C. Nqs. doni para se ta fusni ne furre hidhni siper djath kackavall te renduar ose te bardhe.
Ju befte mire.

Sallate pule me majoneze


* 4-5 fileto pule te ziera
* 2 karrota
* 1 kastravec
* 2-3 qepe te njoma
* 2 speca
* 2 thelpinj hudhre
* 1-2 luge gjelle kos
* 1 gote uji majonez
* koper
* piper i kuq
* piper i zi
* kripe


Pritini filetot e pules ne copeza te vogla dhe perzini me kripe dhe ereza.
Te gjithe perimet e tjera grijini holle. (ne madhesi te thjerrezave). Kastravecit perdorini vetem lekuren e qeruar trashe dhe te grire holle.( mund te perdorni edhe blender por mos i shtypni shume)
Perzijini te gjitha dhe ndani menjane 1.5 filxhane kafeje nga kjo mase. Pjesen tjeter perzieni me pulen. Majonezen dhe kosin perzieni mire. Pastaj hidheni tek pula dhe perzijini te gjitha mire qe te formoni nje mase homogjene. Merreni kete mase ne nje pjate dhe siper zbukurojeni me perzierjen e perimeve qe kishit lene me nje ane.
Ju befte mire.

Biskota Hene Te Mbushura










* 200 gr. margarin ne temp. dhome
* 1.5-2 gota uji sheqer puder
* 1/2 gote uji uje i vaket
* 30 gr maja
* miell sa te marre
Siper:
* 2 te verdha veze
Mbushja:
* 2 gota uji arra te shtypura
* 1/2 gote uji sheqer puder
* 1 gote uji rrush i thate
* 1 luge caji kanelle
* 1 luge gjelle qumesht

Shkrini majane ne qumesht te vaket. Perzini margarinen e bute me sheqerin puder, shtoni pak miell, dhe hidhni pak e nga pak majane. Shtoni miell derisa te perftoni nje brum te bute. Mbulojeni miellin dhe lereni ne temp. dhome per 1-1.5 ore. Edhe nqs brumi nuk ju fryhet ska problem, nuk eshte si brumi i bukes.
Pritni pergjysem rrushin e thate, shtypni arra, shtoni kanelle, sheqerin puder dhe qumeshtin dhe perzini qe te formoni masen e mbushjes.
Ndani copa dhe hapni ne forme elipsi. Ne mes veni nje luge caji nga mbushja. Pastaj mbyllini si pogaca dhe shtypeni pak duke i dhene forme cubuku, pastaj jepini forme hene. Rreshtojini ne tepsi dhe lyeni siper me te verdhe veze. Piqini ne furre te ngrohur me pare ne 200'C derisa te skuqen nga siper.
Ju befte mire.

Pogaca me pete

Brumi:
* 3 gota uji miell
* 43 gr. maja
* 2 te verdha veze
* 1.5 filxhane kafeje kos
* 1.5 filxhane kafeje vaj
* 1.5 filxhane kafeje uje i vaket
* 1 luge caji kripe
* 100 gr margarin e shkrire
Mbushja:
* 1 gote uji djath i bardhe i renduar
* majdanoz
Siper:
* 1 e verdhe veze

Perzini miellin dhe majane, shtoni te verdhet e vezeve, kosin, vajin, ujin dhe kripen dhe perzini mire. Ndajeni brumin ne 4 pjese te barabarta pa pritur. Secilen pjese hapeni ne trashesi 1-2 mm. Siper lyeni me margarin. Dy petet verini njera mbi tjetren dhe mbeshtillini ne forme cilindri. Mbyllini nga siper dhe lerini per 30 min. ne frigorifer. Pastaj nxirrini dhe secilin nga cilindrat (te dy) ndajini ne 8 copa.
Copat qe prete hapini me allkagi ne trashesi 1 cm. Futini nga perberesit e mbushjes dhe jepini forme pogaceje (si ne foto). Lyeni me te verdhe veze dhe piqini ne 180'C per 20-25 min.
Ju befte mire.

Simite Kandili 2


* 5.5 gota uji miell
* 125 gr margarin
* 1.5 filxhan kafeje vaj
* 1 luge caji mahalep(nqs keni)
* 1.5 filxhan kafeje qumesht
* 7 luge kafeje sheqer puder
* 1 luge caji kripe
* 1 kuge caji sode buke
* 1 veze


Ne nje ene te thelle hidhni miellin dhe margarin dhe perzini mire. Shtoni vajin, qumeshtin, nje te bardhe veze, mahalepin, soden e bukes, sheqerin dhe kripen dhe perzini qe te beni nje brum. Ndani copa pak me te medha se nje arre nga brumi dhe jepini forme cilindrike. Bashkoni 2 majat dhe jepini forme rrethi. Rreshtojini ne nje tepsi te lyer me vaj ne largesi 1 gisht nga njeri tjetri.
Lyeni siper me te verdhe veze dhe hidhini siper susam. Piqini ne furre me zjarr mesatar derisa te fillojne te marrin ngjyre.
Ju befte mire.

Simite Kandili 1


* 250 gr. margarin
* 2 te verdha veze
* 1 luge caji sode buke
* 2 luge gjelle uthull
* 3 luge gjelle sheqer
* 1 luge caji kripe
* 1.5 filxhan kafeje vaj normal ose ulliri
* 2 luge kafeje mahalep (nqs keni)
* miell sa te marre (rreth 600 gr.)

Siper:
* e bardhe veze
* susam


Perzini te gjithe perberesit dhe jepini forme cilindrike ne trashesine e 2 gishtave. Priteni ate ne copa 2-3 cm dhe lyeni nga siper me te bardhe veze pastaj susam. Piqini ne furre ne 200'C derisa te skuqen nga siper.
Ju befte mire.

Simite - Kandil Acma 3


*1 gote uji qumesht
* 25 gr. maja
* 1 gote uji vaj
* 1/4 gote uji sheqer
* miell sa te marre
* margarin
* pak kripe
Siper:
* 1 e verdhe veze
* susam i zi (black cumin seed/ corekotu)

Shkrini majane me qumesht, shtoni vajin, sheqerin dhe kripen, miellin shtojeni pak e nga pak derisa te perftoni nje brum te bute. Perzieni mire dhe lereni per 30 min. ne temp. dhome. Ndani nga brumi copa ne madhesi arre, ne mes lyeni me nje luge kafeje margarin dhe jepini forme simiti, te rrumbullaket.(nqs e perdridhni ne menyre qe majat e brumi te rrine poshte forma e acmes del me e bukur). Siper lyeni me te verdhe veze dhe hidhini susam te zi. ( furren ngroheni ne 200'C, sa te ngrohet fikeni furren dhe futini acmat brenda dhe lerini per 15 min te presin, pastaj ndizeni prape me 200'C) Piqini derisa te skuqen nga siper.
Ju befte mire.

Simite - Acma pa vaj 2


* 500 gr. miell
* 25 gr. maja
* 1 gote(200 ml) qumesht i vaket
* 1 luge gjelle sheqer
* 1/2 luge caji kripe
* 2 veze (ndani te verdhen sepse do i lyeni nga siper)
* 1/2 luge caji mahalep (nqs keni)
* susam


Shkrini majane ne qumesht me sheqer. Miellin hidheni ne nje ene te gjere, hapni mesin dhe hidhni perberesit e tjere pervec susamit. Po te kete nevoje shtoni edhe pak uje te vaket qe te perftoni nje brume te bute. Lereni per 30 min. qe te fermentohet. Ndani brumi ne 3 pjese, secilen pjese bejeni ne forme ruloje, cilindri, dhe ndajeni ne 2 pjese, perdridheni dhe jepini forme simiti. Rreshtojini ne nje tepsi te lyer me vaj dhe nga siper lyeni me te verdhe veze dhe hidhini susam. Perseri lerini gjysem ore te fermentohen. Futini ne furre ne 180'C dhe piqini derisa te skuqen nga siper. (kini kujdes se piqen shpejt).
Ju befte mire.

Simite - Acma 1

* 1 gote uji qumesht i ngrohte (sa te mos djege doren)
* 1/3 gote uji vaj
* 1/6 gote uji sheqer
* 1 veze
* 1.5 luge gjelle kripe
* 15 gr. maja
* miell sa te marre

Siper:
* 1 e verdhe veze + 1 luge caji uje i ftohte

(rreth 10-11 acma)

Shkrini majane me pak qumesht te vaket, mos e perzini kurre me luge metali. Pasi te shkumezohet maja, shtoni perberesit e tjere dhe perzini.
Ne fund hidhni miellin. Brumi duhet te jete i bute. Lereni ne nje ene plastike te lyer mire me vaj, lyeni edhe siper me vaj dhe lereni qe te fryhet nga maja, te fermentohet. Po te doni mund ta lini nga darka deri ne mengjes te fermentohet ne frigorifer, brumi nuk prishet, mos kini merak.
Brumin e fermentuar shtypeni nga siper 4-5 here jo me shume. Nqs e keni lene ne frigorifer, prisni derisa te vije ne temp. dhome. Ndani copa ne madhesi te nje limoni nga brumi dhe jepini forme si ne foto, mbeshtilleni rreth vetes si simit. Siper lyeni me te verdhe veze te perzier me ujin e ftohte. Sa me shume te prese brumi ne tepsi aq me mire eshte. Mund ta vini ne mengjes ne tepsi dhe ta piqni ne darke. Furrat e reja kane program kosi, mund te perdorni edhe ate.
Ju befte mire.

Buke franceze


* 400 gr miell
* 1.5 luge caji kripe
* 1 luge caji sheqer
* 120 ml qumesht i vaket (pak me pak se 1/2 gote uji)
* 175 ml uje i vaket (pak me pak se 3/4 gote uji)
* 15 gr maja (1 luge caji)


Perzini miellin dhe kripen ne nje ene, shtoni sheqerin, hapni nje grope ne mes. Majane shkrijeni ne qumesht dhe hidheni ne mes te miellit, pastaj mbylleni me miell. Lerini per 15-20 min ne temp. e dhomes derisa maja te fryhet (shkumezohet). Pastaj shtoni ujin dhe perftoni nje brum te bute, perzieni per 8-10 min, siper mbylleni me nje strech te lyer me vaj dhe lereni ne temp. dome per 1.5 ore.
Pastaj perzieni perseri dhe lereni prape per 5 min. te prese. Brumin ndajeni ne 10 copa. Secilen shtypeni me dy duart, jepini nje forme si ovale, mbylleni duke i dhene forme ovale dhe rreshtojini ne tepsi ne menyre qe kjo pjese te rrije nga poshte, siper hidhini pak miell. Perseri mbyllini me strech dhe lerini per 30 min te prese.
Lyeni pellemben e dores me vaj dhe shtypni buket nga siper, pastaj lerini edhe 15 min. ( periudhen prej 45 min. mund ta zevendesoni edhe duke i futur ne furre te ngrohur, te fikur dhe te mbajtur mbyllur per 20 min.) Ndizeni furren ne 230'C, ne pjesen e poshtme te furres vini nje ene metali katrore me nje gote uji te nxehte, kur te ngrohet furra fusni buket dhe piqini per 15 min.
Ju befte mire.

Cubuke me susam

* 125 gr margarin
* 1 e verdhe veze(me te bardhen i lyeni siper)
* 1 luge caji sode buke
* 1.5 filxhan kafeje vaj (100 ml)
* 3 luge gjelle sheqer puder
* 4 luge gjelle kos
* 1 luge caji kripe
* 1.5 filxhan kafeje susam
* miell sa te marre
* 1 luge caji mahalep (nqs gjeni)

Perzini te gjithe perberesit pervec susamit derisa te perfitoni nje brume te bute. Ndani nga brumi copa ne madhesi te nje kokrre arre, drejtojini dhe jepini forme cubuku.
Perdridheni nga mesi, silleni ne forme 2 kateshe dhe mbeshtilleni duke mbajtur fundet. Rreshtojini ne nje ene me vaj, siper lyeni me te bardhen e vezeve dhe hidhini susam. Piqini ne furren e ngrohur me para ne 170'C.
Ju befte mire.

Pogaca me djath

* 250 ml qumesht i vaket
* 1 luge caji maja
* 125 gr gjalp ose margarin
* 1/2 gote uji vaj
* 1/2 gote uji kos
* 1 e verdhe veze
* 2 te bardha veze
* 1.5 luge caji kripe
* sa te marre miell (rreth 750gr)
Mbushja:
* 250 gr djath i bardhe
* 1 e bardhe veze
* majdanoz
* sipas deshires sallam, salcice
Per siper:
* 1 e verdhe veze

Ndani gjysem gote qumesht dhe me kete shkrini majane.
Majane e shkrire, pjesen tjeter te qumeshtit, dhe perberesit e tjere, pervec atyre te mbushjes, perzijini derisa te perftoni nje brume te bute. Siper brumit veni nje lecke te lagur dhe lereni per 1 ore te prese ne nje vend te fresket. Ndani copa ne madhesi te nje veze nga brumi, hapeni ne grusht dhe mbushni mesin me perzierjen e perberesve te mbushjes, me djath ose sallam. Mesin lereni pak te hapur ngaqe pogacat do te hapen pak gjate pjekjes. Lyeni tepsi me vaj dhe rreshtoni pogacat. Siper lyeni me te verdhen e vezeve dhe piqini ne furre ne 200'C derisa te skuqen nga siper.
Ju befte mire.
(rreth 25 pogaca)

Simite me susam

* 3 veze
* 1 gote uji kos
* 1/2 gote uji vaj ulliri
* 125 gr margarin
* 1 luge caji kripe
* sa te marre miell
* 1 luge caji sode buke


Perzini te gjithe perberesit dhe perftoni nje brume te bute. Ndani copa te vogla nga brumi dhe jepini forme rrethi. Siper lyeni me te verdhe veze dhe hidhni susam. Piqini ne furre ne 200'C derisa te skuqen nga siper. (kujdes mos ndani copa te medha nga brumi).
Ju befte mire.

Pogaca te thjeshta

* 185 gr margarin e shkrire
* 1.5 filxhan kafeje vaj
* 1.5 filxhan kafeje kos
* 1 luge caji sodebuke
* 1-2 pika uthull
* sa te marre miell
* djath i bardhe
* majdanoz

Perzini te gjithe perberesit, pervec djathit dhe majdanozit, dhe perftoni nje brume te bute.
Ne mes fusni nga perzierja me djath dhe majdanoz dhe mbyllini. Rreshtojini ne tepsine e lyer ne vaj ne menyre qe pjesa qe mbyllet te rrije nga poshte. Lyeni nga siper me te verdhe veze dhe mund ti hidhni susam te zi(black cumin seed/ corekotu). Piqini ne furre ne 200'C derisa te skuqen nga siper.
Ju befte mire.
Note: Nqs nuk mblidhet brumi mund ti shtoni pak kos ose nje te verdhe veze. Gjithashtu mund ti shtoni pak kripe.

Pogaca mengjesi


* 750 gr miell
* 500 ml qumesht i ngrohte
* 2 luge gjelle gjalp (jo margarine) ne temp. dhome i prere ne copeza te vogla
* 2+1/4 filxhan kafeje vaj
* 1 luge caji kripe
* 1 luge gjelle sheqer
* 1 paket (2 luge caji) instant maya (sode buke)
Mbushja:
* 200 gr djath i bardhe
* majdanoz

Ne fillim perzini perberesit e thate. Nqs. do e beni me aparatin e bukes, hidhni qumeshtin dhe vajin, siper perberesit e thate. Zgjidhni programin e brumit, kontrolloni derisa te jete e bute sa llapa e veshit, sipas rastit mund ti shtoni pak qumesht ose miell qe te perftoni butesine, dhe prisni derisa te fermentohet. ( nqs e beni ne dore lereni per 1 ore ne temp. dhome qe te fermentohet)
Ndani copeza ne madhesi te arres dhe rrumbullakosni me dore. Hapni mesin dhe fusni nje luge caji nga perzierja me djath dhe majdanoz. Paloseni pa e shtypur. Mbajeni drejte dhe shtypeni ne mes ne menyre qe ti hapet goja :). Pasi ti mbaroni te gjitha lyeni siper me te verdhe veze dhe mund ti hidhni susam te zi. (black cumin seed/ corekotu). Lerini 10 min. ne tepsi qe te fermentohen.
Piqini ne furre ne 200'C derisa te skuqen nga siper.
Ju befte mire.

Qofte Misket

Per brumin e qofteve
* 1/2 kg mish i grire pa vaj
* 2 feta buke mesi i grire
* 3 luge gjelle vaj ulliri
* 3 luge gjelle qumesht
* 1 luge caji piper i zi
* 1 luge caji piper i kuq (sipas deshires)
* 1 veze
* 1 luge caji rigon
* 1 luge caji kripe
* 1.5 filxhan kafeje majdanoz i grire holle
Te tjere:
* 1.5 gota uji vaj luledielli
* 2 kokrra qepe
* 1 luge caji kripe
* 1 gote uji majdanoz i grire holle


Perzini mire e mire te gjithe perberesit e qofteve dhe brumi qe formuat lereni per 10-15 minuta ne frigorifer. Ndani nga brumi copeza ne madhesi arre, rrumbullakosini dhe rreshtojini ne tepsi. ( nqs sdo i perdorni menjehere mbuloni tepsi me strech dhe lereni ne frigorifer per 1 nate.)
Piqin qoftet ne nje ene me vaj duke i rrotulluar nga te gjitha anet derisa te piqen nga brenda. Per servirje, prisni qepet ne forme gjysem rrethi dhe perzijini me kripen, pastaj lajini, shtryllini dhe lerini menjane.
Gjysmen e gotes se ujit me majdanoz vereni ne pjaten e servisit, siper vini qoftet, majdanozin e ngelur perzieni me qepet dhe hidheni siper qofteve.
Ju befte mire.

Qofte Rulo

* 750 gr mish i grire
* 3 feta buke e ndenjur
* 3 veze (ndani nje te bardhe)
* 1 luge caji rigon
* 1 luge caji piper i zi
* 1 luge caji piper i kuq (sipas deshires)
* 1 luge caji kripe
* majdanoz
* 1 kavanoz 200 gr garnitur e gatshme ose
pergatiteni vete me :
*1 karrote te madhe
*1 patate mesatare
*1 filxhan caji bizele
Zijini bashke, pastaj patatet dhe karrotat pritini ne kube te vegjel

Perzini te gjithe perberesit e qoftes pervec garnitures dhe perzini per 3-5 min brumin e qofteve.
Tepsine lyeni me vaj dhe hidhni brumin e qofteve, shtrijeni ne tepsi ne trashesi te gishtit dhe siper hidhni garnituren ne mes te brumit, shtoni edhe pak kripe. Mbylleni ne forme ruloje dhe pjesen e mbylljes lereni nga ana e poshtme te tepsise. Siper lyeni me te bardhen e vezes qe ndate. Siper verini edhe 3-4 luge caji gjalp dhe futeni ne furre me 200'C per 40 min. Gjate pjekjes kontrollojeni dhe lengun qe leshon hidhjani prape nga siper. (keshtu sdo rrije e thate)
Kete qofte mund ta beni duke futur brenda edhe nje karrote te plote te zier ose/ dhe veze te ziera. Mund ta servirni me pure patatesh, pilaf ose brokoli.
Ju befte mire.

Llokume Sulltani


* 1 kg qumesht
* 250 gr gjalp
* 2 gota uji sheqer
* 1 paket vanilie
* 2 gota uji+2 luge gjelle miell
* arra
* kanelle
* arre kokosi

Ne fillim skuqni miellin me gjalp, shtoni sheqerin dhe vazhdoni ti skuqni. Shtoni qumeshtin pak e nga pak dhe perzini mire (rriheni). Hiqeni nga zjarri pasi te jete bere si muhalebi e trashe dhe shtoni menjehere vanilien dhe perzieni mire (rriheni)per 10 minuta.
Lereni ne frigorifer per 2-3 ore, pasi te ftohet ndani copeza sa nje arre, verini brenda arra dhe kanelle, mbyllini dhe bejini top.
Rreshtoni llokumet ne nje tepsi ku te keni hedhur arre kokosi, rrotullojini qe te marrin arre kokosi gjithandej. Mund ti vini stikadenti qe ti kapni me lehte. Lerini ne frigorifer deri per servirje.
Ju befte mire.

Embelsire ftoi

* 6 ftonj
* 1.250 kg sheqer
* 10 kokrra karajfil i thate
* berthamet e ftonjve
* 1/2 luge caji boje ushqimesh
* ajke
* arra
* fistik

Qeroni ftonjte dhe ndajini per gjysem, hiqni mesin por berthamet lerini menjane. Pasi ti pastroni ftonjte rreshtojini prane njera tjetres ne nje tenxhere te gjere, siper hidhni nje gote me uje ku te keni shkrire bojen. Shtoni sheqerin, karajfilin, berthamet dhe uje te ftohte derisa te vije deri tek gjysma e ftonjve, lerini te ziejne por nderkohe hidhni nje sy.
Pasi te ziejne, merrini ne pjatat e servisit dhe zbukorojini me ajke, arre ose fistik.
Ju befte mire.

Sallate patatesh me kos


* 1 kg patate
* lengu i 1/2 limoni
* 2 luge gjelle vaj ulliri
* 1.5 gota uji kos
* 1-2 thelpinj hudhre
* 1 kuti e vogel me misra
* piper i kuq
* kripe

Qeroni patatet dhe zini ne uje me kripe. Shtypini dhe perzini me lengun e limonit dhe vajin e ullirit. Hidheni kete mase ne nje ene qelqi drejtkendeshe.
Perzini kosin me hudher dhe hidheni siper patateve. Zbukurojeni me miser dhe piper te kuq.
Nje menyre tjeter eshte: Mases me patate shtojini majdanoz dhe beni topa te vegjel. Mesin e topave shtypeni me gisht dhe formoni nje si grope dhe brenda hidhni kosin me hudhra ose siper mund te hidhni edhe karrota te renduar dhe te skuqura pak.
Ju befte mire.

sallate me oriz

* 2 gota uji oriz
* 2 gota uji uje
* 2 karrota te renduara
* kastraveca turshi
* koper
* majdanoz
* kastravec per zbukurim

Zini orizin me 2 gota uji dhe pastaj kullojeni qe te mos ngeli fare uje. Pastaj shtoni te gjithe perberesit e tjere dhe perzieni. Zbukurojeni me feta kastraveci.
Ju befte mire.

sallate me zarzavate


* 1 kg patellxhane
* 2 domate mesatare
* 2 speca te kuq
* 2 thelpinj hudher
* qepe te njoma/ jeshile
* majdanoz
* koper
* limon
* vaj

Patellxhanet, domatet dhe specat verini mbi telin e furres, telin ne pjesen e zgares dhe ne rreshtin me poshte vini nje tepsi (mund te pikojne). Furren gradojeni tek ajo per zgare me 250'C. Pasi te piqen qerojini, pritini dhe shtrydhiani ujin. Pastaj shtoni pjesen tjeter te perberesve dhe perzini.
Ju befte mire.

sallate me pule


* 4 -5 fileto pule
* 3 speca te kuq
* 5-10 kastravec turshi
* koper
* majdanoz
* limon
* vaj

Ne nje tenxhere zini filetot e pules pastaj pritini ne copa te vogla. Specat piqini ne zgare, furre ose direkt ne zjarr, pastaj qerojini, pasi te ftohen hidhin tek pula. Pastaj prisni edhe perberesit e tjere dhe hidhini siper.
Ju befte mire.

Paste Gjermane

Per Kekun:
* 2 veze
* 1.5 filxhan kafeje sheqer
* 60-70 gr. margarin e shkrire
* 1.5 filxhan kafeje qumesht-kos bashke
* 4.5 filxhan kafeje miell +1 luge caji sode buke
Per Kremin:
* 2 gota uji qumesht
* 1 veze
* 2 luge gjelle miell
* 2 luge gjelle sheqer
* gjalp sa nje kokerr lajthie
* vanilie
* sheqer puder

Perberesit e e kekut perzini me radhe dhe hidhini ne nje tepsi te rrumbullaket(nga ato te voglat e embelsirave) te lyer me pak gjalp.(pika kryesore:brumi qe bete duhet te derdhet vete pa shume ndihme nga luga, nqs sderdhet shtoni edhe pak qumesht) Futeni ne furren e ngohur me mire me 170'C dhe piqeni per 20 min. (siper nuk duhet te skuqet shume)
Perzini te gjithe perberesit e kremit pervec vanilies dhe gjalpit verini ne zjarr dhe lerini derisa te ziej, sapo te ziej shtoni gjalpin dhe vanilien.
Kekun e pjekur (jo shume trashe) ndajeni pergjysem, ne mes vini kremin e vaket (mund te vini edhe banane, i shkon). Siper zbukurojeni me sheqer puder.
Ju befte mire.

Profiterol i thjeshte

* 4 gota uji qumesht
* 3/4 gote uji miell
* 1 gote uji sheqer
* 1 luge caji vanilie
*
150 gr panna montata pluhur (whipped cream/krem shanti/ shllag)
* 1 pakete (12-14feta) buke e thekur
Per siper:
* arra/ lajthi/ fistik te grire pluhur
* arre kokosi (cila tju gjendet ne shtepi)
* sos cokollate pluhur (ose tubet)

Ne nje tenxhere hidhni 3 gota qumesht, miellin, sheqerin dhe vanilien dhe perzieni vazhdimisht derisa te formohet nje mase si muhalebi.
Nga ana tjeter pergatisni kremin panna, nje gote qumesht perzieni mire me mikser me pluhurin.
Pasi te jete ftohur fare muhalebia shtoni kremin panna dhe perzieni mire. Pastaj shtoni buken e thekur te cilen e keni shtypur mire ne mikser dhe perzieni. Hidheni ne nje tepsi qelqi.
Siper hidhni sosin e cokolates te pergatitur (sipas recetes qe eshte mbi pakete) ose nqs perdorni tubet mund te mos e mbuloni te gjithen.
(nje menyre per te pergatitur vete kete sos eshte tek receta e pastes Mozaik). Zbukurojeni me arre kokosi ose arra/ lajthi etj.
Ju befte mire.

Tiramisu








* 300 gr biskota savoiardi (ose petit beurre)
* 5 veze
* 7 luge gjelle sheqer
* 400 gr. djath mascarpone
* 2 luge gjelle nescafe (ose me kafe ekspres)
* kakao

Ndani te bardhat e vezeve nga te verdhat. Ne nje ene hidhni te verdhat, shtoni 4 luge gjelle sheqer dhe perzini me mikser. Pastaj shtoni 400gr mascarpone dhe perzini me mikser.
Ne nje ene tjeter hidhni te bardhat e vezeve dhe perzini me mikser derisa te trashet. Pasi te trashet shtoni 3 luge gjelle sheqer dhe perzini me luge, pastaj kete mase shtojani asaj me te verdhat e vezeve.
Ne tepsine prej qelqi vini biskotat savoiardi(mund te perdorni edhe biskota te thjeshta (biscotti secchi)) te cilat me perpara duhet ti kaloni ne nje ene ku keni shkrire nescafen ose me kafe ekspres. Biskotat rreshtojini ne menyre qe pjesa me sheqer te jete lart. Siper hidhni kremin e pergatitur me mascarpone, pastaj ne te njejten menyre biskotat e lagura ne kafe dhe perseri siper kremin dhe ne fund hidhni kakao persiper. Lereni ne frigorifer per te pakten 3 ore.
Ju befte mire.

Tiramisu me kek

* 1 kek i gatshem
* 2 luge caji nescafe
* 1 gote uji uje
* 2 gota uji qumesht
* 2 kokrra veze ( e verdha)
* 2 luge miell
* 3-4 luge sheqer
* 200 gr. djath i shkrire, krem(philadelphia)
* kakao

Ne nje tenxhere hidhni qumeshtin, te verdhen e vezeve, miellin, sheqerin dhe merreni ne zjarr te ngadalte,perzieni vazhdimisht derisa te behet si muhalebi.Pastaj shtoni djathin dhe perzieni mire derisa te formohet nje mase homogjene. Nga ana tjeter, shkrini nescafen ne nje gote me uje dhe me te lagni siper pjesen e poshtme te kekut, hidhni gjysmen e mases si muhalebi dhe pastaj vini pjesen e siperme te kekut, lagni edhe kete pjesen tjeter te kekut nga siper, pastaj hidhni edhe pjesen tjeter te muhalebise dhe siper hidhni kakao. Lereni ne frigorifer per te pakten 3 ore.
Ju befte mire.

Embelsire me fiq te thate

Keku:
* 6 kokrra fiq te thatee, te lagur, te prere ne copa te vogla
* 1 gote uji sheqer
* 1 gote uji miell
* 1 gote uji arra
* 3 veze
* 1 luge caji sode buke
Sherbeti:
* 1.5 gota uji uje
* 1/2 gote uji sheqer
* 1 luge gjelle nescafe
Muhalebi:
* 1 lt qumesht
* 2 luge gjelle miell
* 2 luge gjelle niseshte
* 5 luge gjelle sheqer
* 50 gr gjalp para heqjes nga zjarri
Siper muhalebise:
* 75 gr panna montata pluhur (whipped cream/krem shanti/ shllag)

Per kekun, rrihni mire vezet dhe sheqerin, shtoni miellin, arrat dhe soden e bukes dhe perzini.
Ne fund shtoni fiqte, kete perzierje hidheni ne nje tepsi xhami drejtkendeshe dhe piqeni ne furre ne 160'C. ( duhet te piqet ne temperature te ngadalte per shkak te fiqve.)
Ne nje tenxhere hidhni te gjithe perberesit e muhalebise dhe pasi te behet, prisni 5 minuta dhe pastaj shtoni kremin panna pluhur. Perzieni mire kete mase me mikser. (Nqs skeni kremin panna pluhur behet edhe pa te).
Pasi keku te jete pjekur, lereni 3-4 minuta qe te ajroset.
Perberesit e sherbetit (pa i zier) hidhini mbi kek. Pas 5 minutash hidhni muhalebine dhe pastaj futeni ne frigorifer per 2-3 ore.
Ju befte mire.

Embelsire me buke te thekur

* 10-12 feta buke e thekur
* 2 gota uji sheqer
* 750 gr. qumesht
* 3 luge gjelle miell
* 2 luge caji vanilie
* 1 gote uji qumesht (pervec 750gr.)
* 2 gota uji uje
* 1 pakete(150 gr) panna montata pluhur (whipped cream/ krem shanti/ shllag)
* arre kokosi ose arra

Rreshtoni buken e thekur ne nje tepsi drejtkendeshe xhami. Ne nje tenxhere digjni pak sheqerin, pastaj shtoni qumesht. Kete perzierje hidheni siper bukes se thekur nderkohe qe eshte e nxehte.
Ne nje tenxhere hidhni 750 gr. qumesht, miellin dhe vanilien dhe perzieni derisa te formoni nje mase si muhalebi. Hidheni kete mase siper bukes se thekur. Ne nje ene, tas, pergatisni kremin panna dhe hidheni ne katin e siperm. (Nqs nuk keni mund te mos ia hidhni) Zbukurojeni me arre kokosi ose arra.
Ju befte mire.